Policia e Tiranës ka arrestuar një 35-vjeçar lidhur me plagosjen e ndodhur mbrëmjen e djeshme tek vendi i quajtur “Shallvaret”.
35-vjeçari është arrestuar për veprat penale “Moskallëzim i krimit” dhe “Përkrahja e autorit në krim”.
Policia bën me dije se në bulevardin “Bajram Curri” tek “Shallvaret” ku mbeti i plagosur me armë zjarri shtetasi I. Sh dhe u vu në pranga menjëherë pas ngjarjes si autor i dyshuar shtetasi K. M, 38 vjeç, shërbimet e Policisë në Komisariatin Nr.2 kanë vijuar më kontrolle të imitësishme me qëllim identifikimin dhe kapjen e autorit të 2 të përfshirë në ngjarje.
Në vijim të veprimeve është bërë ndalimi i shtetasit Renis Selimaj, 35 vjeç, banues në Tiranë.
Nga veprimet hetimore ka rezultuar se shtetasi K. M, 38 vjeç(i arrestuar mbremjen e djeshme)dhe shtetasi Renis Selimaj, 35 vjeç, janë autorë të dyshuar të plagosjes së 31-vjeçarit, I. Sh. Ngjarje e ndodhur si pasojë e një konflikti për motive të dobëta.
