Partia Demokratike ka reaguar sërish ditën e sotme lidhur me incidentitn e ndodhur në zyrat elektorale të saj në Kavajë.
Nëpërmjet një deklarate për shtyp Partia Demokratike shprehet se kryeministri Rama është duke u marrë me gënjeshtra, ndërkohë që autorët e plagosjes ditën e djeshme ende nuk janë arrestuar.
Ndër të tjera PD citon në deklaratën e saj se ky është një sulm ndaj demokracisë nga një njeri i cili e di se do të humbas zgjedhjet.
“Edi Rama merret me gënjeshtra dhe manipulime ndërkohë që dhunuesit nuk janë arrestuar akoma! Asnjë gënjeshtër nuk e ndihmon dot Ramën, sepse të gjitha faktet dëshmojnë se sulmuesit e djeshëm janë njerëzit e tij dhe kanë vepruar me qëllim. Ky është një sulm kriminal kundër demokracisë sonë nga një njeri që tashmë e di se do t’i humbe zgjedhjet. Të dielën ne do të fitojmë dhe do të sjellim ndryshimin, për të cilin Shqipëria ka nevojë!”– shkruan Partia Demokratike.
Kujtojmë që kjo deklaratë ka ardhur në një kohë kur Kryeministri Rama dhe Ministrja e Infrastrukturës dhe Energjisë Belinda Balluku ishin duke firmosur kontratën për nisjen e punimit të aeroportit të Vlorës./Opinion.al
