Të tjera detaje janë zbardhur lidhur me plagosjen e ndodhur mbrëmjen e djeshme në zonën e ish-Bllokut, në Tiranë. Mësohet se gjithçka nisi pas një sherri mes një grupi të rinjsh, ndërsa i plagosur mbeti 32-vjeçari, Ilir Shkundi.
Pas ngjarjes uniformat blu kanë arrestuar 38-vjeçarin, Kridenc Muçollari, ndërsa është shpallur në kërkim drejtuesi i automjetit “Benz”, identiteti i të cilit është bërë i mundur dhe po punohet për kapjen e tij.
Sipas “News 24”, konflikti ka zanafillë të hershme, kur të rinjtë kanë qenë jashtë shtetit, në Angli, për aktivitete të paligjshme. Duket se këto konflikte kishin çuar ata që të përballeshin për t’u sqaruar.
Personi i shoqëruar në polici dhe i plagosuri nuk kanë pranuar që të japin deklarim për policinë në lidhje me ngjarjen. Ndërkohë që policia vazhdon hetimet për zbardhjen e plotë të ngjarjes./Opinion.al
