Nëna e 34 vjeçares që u plagos mbrëmjen e djeshme në Durrës ka treguar edhe motivet e ngjarjes. Ngjarja ndodhi rreth orës 21:00 të mbrëmjes së djeshme në lagjen nr.17. “Autori ka qenë shok shkolle me vajzën dhe kërkonte të martohej, por ajo e ka refuzuar”, ka thënë nëna e të plagosurës.
34-vjeçarja Stefania.V. është qëlluar 3 herë me thikë nga 33-vjeçari Marjo Spahiu, i cili ishte fiksuar pas nënës së divorcuar.
E plagosura është dërguar në gjendje të rëndë në spitalin rajonal të Durrësit, ku tashmë konfirmohet se është jashtë rrezikut për jetën.
Mbrëmjen e djeshme pasi Stefania ka dalë nga supermarketi, Spahiu e ka qëlluar tre herë më thikë në pjesën e kraharorit. Policia është në kërkim të autorit të ngjarjes.
