Policia e Tiranës ka ndaluar dy shtetas të përfshirë në sherrin e ndodhur ditën e djeshme në Vorë. Sipas një informacioni nga uniformat blu, bëhet me dije se janë ndaluar Ermal Muzhaqi dhe Ergest Hoxha.
Mesditën e djeshme, në Vorë 34-vjeçari Ergest Hoxha i është afruar automjetit të Emal Muzhiqit, me detyrë oficer i ushtrisë dhe ka tentuar të vrasë vëllain e këtij të fundit.
34-vjeçari Ergest Hoxha, për motive të paqarta, rreth orës 12:20 të ditës së djeshme ka qëlluar me thikë dhe ka plagosur, vëllain e oficerit të policisë, Kidi Muzhaqin që ishte pasagjer në makinë.
Në momentin kur 34-vjeçari plagosi ne krah me thikë Kidi Muzhaqin, i vëllai, oficeri Ermal Muzhaqi, ka ndërhyrë duke nxjerrë armën e zjarrit të shërbimit dhe ka qëlluar Erges Hoxhën i cili mbeti i plagosur.
Të dy të plagosurit Kidi Muzhaqi dhe Ergest Hoxha ndodhen në spital, nën kujdesin e mjekëve.
Policia ka sekuestruar armën e zjarrit pistoletë dhe mjetin prerës thikë, të përdorura në këtë ngjarje, si dhe aparatet celulare të shtetasve të përfshirë.
Në drejtimin e Prokurorisë vijon puna për përcaktimin e shkakut të rastit.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme./Opinion.al
