Pas disa orësh në kërkim policia ka vënë në pranga autorët e plagosjes në Pogradec.
Policia bën me dije se të dy personat e përfshirë në konfliktin me armë janë arrestuar dhe gjithashtu u sekuestruan dy armët e zjarrit, të përdorura nga autorët e krimit.
Konkretisht u vunë në pranga shtetasit:
D.M., 32 vjeç dhe K. L., 27 vjeç, banues në Pogradec.
Shtetasit e mësipërm, gjatë një konflikti të çastit, me shtetasin A. J., 27 vjeç, dyshohet se kanë qëlluar me armë zjarri në drejtim të tij, i cili për pasojë mbeti i plagosur dhe ndodhet për mjekim në spital.
Në cilësinë e provës materiale u gjetën dy armët e zjarrit që dyshohet se u përdorën në konflikt, nga autorët e krimit, të cilat u sekuestruan në cilësinë e provës materiale./Opinion.al
