Një person ka mbetur i plagosur me armë zjarri pasditen e sotme në qytetin e Laçit. Mësohet se i plagosuri është identifikuar si Zef Marku banues në Lezhë.
Policia shprehet se i plagosuri është dërguar për ndihmë mjekësore në spitalin e Traumës në Tiranë. Bëhet me dije se ngjarja ka ndodhur pas një konflikti të çastit, ndërsa autori i dyshuar është identifikuar me inicialet I.Xh.
Njoftimi i policisë
Sot ,rreth 17:45 ,në qytet Laç, si pasoje e një konflikti të çastit është plagosur me armë zjarri në këmbë shtetasi Z.M., banues në Lezhë, i cili është dërguar për ndihmë mjekësore spitalin e Traumës.
Shërbimet e Policisë dhe grupi hetimor shkuan menjëherë në vendngjarje dhe falë veprimeve të shpejta bënë të mundur identifikimin e autorit e dyshuar të ngjarjes , konkretisht shtetasin I.Xh, ku vijon puna intensive për kapjen e tij
Grupi hetimor nën drejtimin e Prokurorisë po vijon veprimet për zbardhjen e plotë të shkakut dhe rrethanave të ngjarjes .
