Policia ka bërë të mundur identifikimin e autorëve të sulmit me armë ndaj biznesmenit Spiro Iljadhi në Sarandë, ku veç objektvitit të atentetit mbeti i plagosur edhe një kalimtar i rastit, qytetari Mario Jani.
Mësohet se autorët e sulmit janë shtetasit Andrea Caushi 35 vjeç, Visi Caushi 33 vjeç dhe Redian Hadëri 33 vjeç, banues në Tepelenë.
“Këta shtetas, rreth orës 03:50, në lagjen Nr.1, Sarandë, në afërsi të një lokali, në bashkëpunim me njëri-tjetrin, dyshohet se kanë plagosur me armë zjarri shtetasin S. I., 35 vjeç, banues në Sarandë dhe një kalimtar të rastit shtetasin M. J., 33 vjeç, banues në Tiranë, të cilët ndodhen në spital, jashtë rrezikut për jetën.
Nga veprimet hetimore dyshohet se ngjarja ka ndodhur si pasojë e një konflikti të çastit, për motive të dobëta, midis autorëve të dyshuar dhe shtetasit S. I. Nga ana e Policisë po punohet intensivisht për kapjen e tyre, vendosjen përpara përgjegjësisë ligjore dhe dokumentimin e plotë të ngjarjes. Materialet iu referuan Prokurorisë së Rrethit Gjyqësor Sarandë, për veprat penale “Vrasja në rrethana të tjera cilësuese”, kundër dy ose më shumë personave e mbetur në tentative e kryer në bashkëpunim dhe “Armëmbajtja pa leje”, njofton policia.
Policia i ka shpallur në kërkim tre autorët e dyshuar, ndërkohë që Iljadhi, pronar i një lokali nate në Sarandë është dërguar në spitalin e Traumës për ndihmë mjekësore./Opinion.al
