Dy persona janë arrestuar në lidhje me plagosjen e vëllait te kryebashkiakut të Bulqizës.
Mësohet se ngjarja ka ndodhur pas një konflikti të çastit në një lokal, ku më pas V.Alla është qëlluar në bark me armë zjarri.
Autori i cili plagosi Allën është identifikuar me inicialet I.D., i cili pasi qëlloi me armë ka mundur të arratisej.
Ndërkohë, policia njofton se në pranga ka rënë 37-vjeçari B.Ç., pasi në ambientet e lokalit të tij, ka fshehur provat materiale në vendin e ngjarjes. Po ashtu, në pranga ka rënë edhe një 24-vjeçar i cili akuzohet se ka ndihmuar autorin që të largohet nga vendi i ngjarjes.
Pas plagosjes së vëllait të tij, Kryebashkiaku Lefter Alla, reagoi duke thënë se ngjarja nuk ka lidhje me detyrën e tij./ Opinion.al E.Xh.
