Kronikë

Plagosja e dy vëllezërve në Shkodër, çfarë deklaron Policia


Bëhu pjesë e Grupit Zyrtar të Opinion.al
>> KËTU <<
               Publikuar në : 20:27 - 20/03/21 |
Opi Nion

Dy vëllezërit Marjan Doçi 23 vjeç dhe Hoten Doçi 30 vjeç janë dy personat e plagosur gjatë një atentati të ndodhur mbrëmjen e sotme rreth orës 19:45 në fshatin Bardhaj të Shkodrës.

Bëhet me dije se të plagosurit janë transportuar për në spital dhe janë jashtë rrezikut për jetën. Mësohet se dy të plagosurit udhëtonin me makinën e tyre në momentin që janë qëlluar me armë.

Lidhur me ngjarjen, policia thotë se ende janë të paqara rrethanat e plagosjes, ndërsa vijojnë hetimet për identifikimin dhe arrestimin e autorëve.

Dy vëllezërit e plagosur, Hot dhe Marian Doçi, raportohet se i përkasin të njëjtës familje Doçi në Shkodër, e cila është e njohur edhe nga operacionet e OFL dhe mendohet se ka lidhje me krimin e organizuar.  Një familje e lakuar edhe për rrëmbimin e Jan Prengës.

Njoftimi i Policisë

Rreth orës 19.45, në fshatin Bardhaj, në rrethana ende të paqarta janë plagosur me armë zjarri dy vëllezërit M.D.,  23 vjeç dhe H.D., 30 vjeç, të cilët janë transportuar në spital për ndihmë mjeksore, jashtë rrezikut për jetën.

Menjëherë në vendngjarje kanë shkuar shërbimet e Komisariatit të Policisë Shkodër, forcat Shqiponja dhe ato të Sektorit Kundër Krimeve ndaj Personit në DVP Shkodër.

Në ndihmë të Policisë Vendore kanë shkuar edhe grupe të FNSH Shkodër , me qëllim rrethimin e zonës dhe krehjen e saj për të bërë të mundur kapjen e autorëve.

Grupi hetimor nën drejtimin e Prokurorisë së Rrethit Gjyqësor Shkodër po vijon veprimet për sekuestrimin e çdo prove që do ti shërbejë zbardhjes së ngjarjes, identifikimit dhe kapjes së autorëve./ Opinion.al

Pas