Serbët bllokuan rrugën që të çon në Shtërpcë, pas të shtënave me armë zjarri që u regjistruan mbrëmjen e djeshme.
Policia e Kosovës ndërhyri dhe pas komunikimit edhe me përfaqësues të serbëve, hoqi barrikadën e ngritur.
Kujtojmë se dy persona, një prej të cilëve i mitur kanë mbetur të plagosur në Drajkovc të Shtërpcës, Kosovë, pasi u qëlluan me armë nga një makinë në lëvizje.
Sipas Policisë së Kosovës, dy serbët kanë qenë duke ecur në zonën e Shtërpcës teksa nga një makinë që po qarkullonte në drejtim të Ferizajt është qëlluar me armë zjarri.
Motivet e ngjarjes janë ende të paqarta, ndërkohë që autori u largua me shpejtësi nga vendngjarja, ndërsa u arrestua disa orë më pas.
