Komisioneri Evropian për Politikë të Fqinjësisë dhe Zgjerim Oliver Varhelyi ka reaguar për plagosjen e dy serbëve në Kosovë.
Përmes një postimi në Twitter, Varhelyi thotë se është i shokuar nga sulmi ndaj fëmijëve në Shtërpcë.
Ai thekson se nuk ka asnjë justifikim për dhunën ndërsa shton se autoritetet në Kosovë do ta hetojnë plotësisht.
“Jam i shokuar nga sulmi ndaj fëmijëve sot në Shtërpcë. Nuk ka asnjë justifikim për dhunën. Shërim sa më të shpejtë! Besoj se autoritetet e Kosovës do ta hetojnë plotësisht”-shkruan komisionari evropian.
Dy persona një 31-vjeçar dhe një 11 vjeçar u plagosën sot me armë zjarri në fshatin Drajkovc të Shtërpcës, komunë kjo e banuar me shumicë serbe.
Ministri i Mbrojtjes, Armend Mehaj, ka thënë se i përfshirë është një pjesëtar i FSK-së.
