Policia e Fierit ka ndaluar autorin e dyshuar të plagosjes me armë zjarri të një 19-vjeçari ditën e sotme.
Përmes një njoftimi për mediat, policia bën me dije se gjatë kontrollit në banesë të autorit të dyshuar i gjeti dy pistoleta dhe municion luftarak.
“Në vijim të veprimeve të kryera për zbardhjen e ngjarjes, identifikimin dhe kapjen e autorit, ku më datë 30.01.2018, rreth orës 15.45 , është plagosur me armë zjarri në këmbë R.Gj, 19 vjeç, banues në Fier, rezultoi se: E.H, dyshohet se në banesën e tij ka plagosur me pistoletë R.Gj”, thuhet në njoftim.
Mësohet se janë shoqëruar edhe tre persona të tjerë, të cilët kanë dijeni për ngjarjen, si dhe po punohet për sqarimin e rrethanave dhe zbardhjen e plotë të ngjarjes
