Përshkallëzimi i një konflikti mes tre familjeve është parandaluar nga Policia e Kukësit ditën e sotme.
Mësohet se sherri mes tre familjeve ka nisur për motive pronësie. Ngjarja ka ndodhur në fshatin Zall-Lusen, ndërsa lidhur me konfliktin janë arrestuar tre persona dhe një tjetër është shpallur në kërkim.
Policia njofton se gjatë konfliktit tre vëllezër kanë plagosur me sende të forta dhe thika M. Ç., dhe vajzën e tij, G. Ç., duke u shkaktuar plagë në pjesë të ndryshme të trupit.
Mbi personat e arrestuar rëndojnë akuzat “Plagosje e rëndë me dashje, në bashkëpunim”, “Mbajtja pa leje e armëve të ftohta” dhe “Plagosje e lehtë me dashje”.
Njoftimi i policisë
Ndërhyrja në kohë e Policisë parandalon përshkallëzimin e një konflikti për motive pronësie ndërmjet 3 familjeve.
Arrestohen në flagrancë 3 shtetas, si dhe shpallet në kërkim një tjetër.
Policia ka marrë njoftim se në fshatin Zall-Lusen, kishte një konflikt mes 3 familjeve. Me marrjen e njoftimit, shërbimet e Policisë janë nisur menjëherë në vendngjarje. Falë reagimit në kohë dhe ndërhyrjes së shpejtë është bërë e mundur parandalimi i përshkallëzimit të konfliktit dhe arrestimi në flagrancë i shtetasve:
L., 38 vjeç, R. L., 31 vjeç, (vëllezër), dhe D. L., 31 vjeç, banues në fshatin Zall-Lusen.
Si dhe u shpall në kërkim shtetasi A. L., 36 vjeç, banues në fshatin Zall-Lusen.
Shtetasit A. L., R. L., dhe A. L., vëllezër, në bashkëpunim me njeri-tjetrin, në vendin e quajtur Zall-Lusen, për motive pronësie, kanë goditur me mjete të forta, mjete prerëse dhe rrethanore shtetasin M. Ç., dhe vajzën e tij, shtetasen G. Ç., të cilët për pasojë kanë marrë dëmtime në pjesë të ndryshme të trupit.
Të dëmtuarit kanë marrë mjekim në spitalin e Kukësit dhe ndodhen jashtë rrezikut për jetën.
Ndërsa, arrestimi i shtetasit D. C., u bë pasi për motive pronësie, ka goditur me mjete të forta dhe rrethanore shtetasin R. L.
Materialet i kaluan Prokurorisë Pranë Gjykatës së Shkallës së Parë Kukës, për veprat penale “Plagosje e rëndë me dashje, në bashkëpunim”, “Mbajtja pa leje e armëve të ftohta” dhe “Plagosje e lehtë me dashje”./ Opinion.al
