Kronikë

Plagosi të riun në Shkodër,kapet autori,e pëson edhe pronari i hotelit ku fshihej


Bëhu pjesë e Grupit Zyrtar të Opinion.al
>> KËTU <<
               Publikuar në : 09:05 - 28/04/22 |
Opi Nion

Është arrestuar autori i dyshuar i plagosjes së shtetasit Edis Reçi, 28 vjeç, ngjarje e ndodhur në Shkodër më 19 prill 2022.

Policia e Shkodrës ka informuar se është proceduar penalisht edhe pronari i hotelit ku po fshihej personi në kërkim. Autori i dyshuar i ngjarjes po fshihej në një hotel në lagjen “Mark Lula”.

Mësohet se në pranga ka rënë shtetasi Elfat Saliu 29 vjeç, banues në lagjen “Daniel Matlija”, Shkodër.

Ky shtetas dyshohet se më datë 19 prill 2022, në lagjen Perash, ka qëlluar me armë zjarri, për motive të dobëta 28-vjeçarin Reçi.

Gjithashtu raportohet se u procedua penalisht në gjendje të lirë, për veprat penale “Fshehja e të ardhurave” dhe “Moslëshimi i kuponit tatimor”, shtetasi Gj. D., 59 vjeç, banues në Shkodër, pronari i hotelit në të cilin 29-vjeçari ishte fshehur.

Pronari i hotelit nuk kishte kryer procedurat e nevojshme për regjistrimin dhe lëshimin e kuponit tatimor për shërbimin e ofruar në subjektin që administronte.

Materialet iu referuan Prokurorisë pranë Gjykatës së Shkallës së Parë Shkodër, për veprat penale “Vrasja” e mbetur në tentativë dhe “Mbajtja pa leje e armëve luftarake dhe e municionit”./Opinion.al

Pas