Policia ka reaguar mbi ngjarjen e ndodhur në Lezhë, ku mbeti i plagosur një shtetas.
Uniformat blu bëjnë me dije se ngjarja ka ndodhur rreth orës 11:00, në Lezhë, në afërsi të shinave të trenit.
Sipas policisë konflikti ka nisur për parkimin e automjeteve, ku shtetasi Marjan Kola ka plagosur me armë zjarri shtetasin Tonin Ndreca.
“Rreth orës 11:00, në qytet Lezhë, në afërsi të shinave të trenit, gjatë një konflikti të çastit që dyshohet për parkimin e automjeteve, shtetasi Marjan Kola. banues në Kurbin, ka plagosur me armë zjarri shtetasin Tonin Ndreca 35 vjeç, banues në Laç, i cili ndodhet në spital jashtë rrezikut për jetën.
Autori i dyshuar është larguar menjëherë pas ngjarjes dhe vijon ndjekja nga ana e shërbimeve të Policisë për lokalizimin dhe kapjen e tij”, njofton policia.
Në vendngjarje, grupi hetimor nën drejtimin e Prokurorisë, po kryen veprimet hetimore për zbardhjen e rrethanave të ngjarjes dhe dokumentimin ligjor./Opinion.al
