Policia ka arrestuar një 69-vjeçar nga Lushnja, pasi ditën e djeshme pas një konflikti ka plagosur me thikë djalin e tij.
Mësohet se shtetasi N. P., 43 vjeç u dërgua në spital dhe ndodhet nën kujdesin e mjekëve.
Mjeti prerës, thikë i dyshuar i përdorur për plagosjen, u sekuestrua në cilësinë e provës materiale.
“Në vijim të informacionit paraprak të dhënë ditën e djeshme, për plagosjen me mjet prerës (thikë), të shtetasit N. P., 43 vjeç, nga babai i tij, shtetasi B. P., informojmë se shërbimet e Komisariatit të Policisë Lushnjë arrestuan në flagrancë shtetasin B. P., 69 vjeç. Shtetasi N. P. vijon të jetë në spital, jashtë rrezikut për jetën. Mjeti prerës (thikë) i dyshuar i përdorur për plagosjen, u sekuestrua në cilësinë e provës materiale”, njofton policia.
