Pasi u vetëdorëzua mbrëmjen e djeshme në polici është zbardhur dëshmia e Aleko Myrtollarit, 46-vjeçarit që plagosi me thikë gruan e tij, Marjola Myrtollarin në Korçë.
Sipas Klan News, gjatë marrjes në pyetje nga policia, autori i krimit ka deklaruar se konflikti me bashkëshorten e tij Marjola, ka ndodhur për shkak se kjo e fundit nuk ka dashur të punojë.
Sipas dëshmisë së Aleko Myrtollarit, ai i ka kërkuar bashkëshortes që të kërkojë punë, ndërsa ajo, sipas tij nuk ka pranuar të punojë duke kërkuar që të punojë vetëm bashkëshorti për të mbajtur fëmijët dhe familjen.
38-vjeçarja ndodhet në gjendje të rëndë shëndetësore në Spitalin e Traumës në Tiranë.
