Policia ka arrestuar një 44-vjeçar në Divjakë, pasi plagosi me thikë një shtetas, pas një konflikti për motive të dobëta.
Falë ndërhyrjes së menjëhershme të Policisë, është kapur dhe shoqëruar 44-vjeçari me iniciale L.M.
Mësohet se i plagosuri shtetasi F. B., 64 vjeç, ndodhet në spital nën kujdesin e mjekëve.
”Shërbimet e Komisariatit të Policisë Divjakë, menjëherë pas marrjes së njoftimit, për një konflikt ndërmjet dy shtetasve, në fshatin Çermë-Sektor, kanë organizuar punën me qëllim zbardhjen e rrethanave të këtij rasti.
Si rezultat i veprimeve të shpejta operacionale, u bë e mundur kapja dhe shoqërimi i autorit të dyshuar, shtetasit L. M., 44 vjeç, banues në Çermë-Proshkë.
Nga veprimet hetimore të deritanishme, dyshohet se rreth orës 14:00, 44-vjeçari, pas një konflikti të çastit, për motive të dobëta, ka goditur me mjet prerës (thikë) shtetasin F. B., 64 vjeç, banues në Çermë-Sektor, i cili ndodhet në spital, në kujdesin e mjekëve.
U sekuestrua mjeti prerës me të cilin autori plagosi 64-vjeçarin”, njofton policia.
Grupi hetimor po punon për zbardhjen e plotë të rrethanave të ngjarjes./Opinion.al
