Një 40-vjeçar nga Vlora është arrestuar nga policia pasi plagosi dy të rinj mbrëmjen e së enjtes.
Mexhit Arapi goditi me thikë pas një konflikti për motive të dobëta Ervis Sejkon, 35 vjeç dhe Kevin Nuredinin, 23 vjeç. Dy të lënduarit ndodhen në spitalin e Vlorës, nën kujdesin e mjekëve.
40-vjeçari akuzohet për veprat penale “Vrasja me dashje”, mbetur në tentativë, “Plagosja e rëndë me dashje” dhe “Prodhimi, mbajtja, blerja apo shitja, e armëve të ftohta”.
“Specialistët për Hetimin e Krimeve të Komisariatit të Policisë Vlorë arrestuan në flagrancë, për veprat penale “Vrasja me dashje”, mbetur në tentativë, “Plagosja e rëndë me dashje” dhe “Prodhimi, mbajtja, blerja apo shitja, e armëve të ftohta”, shtetasin M. A., 40 vjeç, banues në lagjen “Lef Sallata”, sepse pas një konflikti për motive të dobëta, mbrëmjen e djeshme, ka goditur me mjet prerës thikë shtetasit E. S., 35 vjeç dhe K. N., 23 vjeç, të cilët ndodhen në spitalin e Vlorës, nën kujdesin e mjekëve”, njoftoi policia.
