Detaje të reja janë zbardhur nga plagosja e 23-vjeçares në Durrës. Sipas policisë ngjarja ka ndodhur në një dhomë hoteli, ku 32-vjeçari, Fatbardh Doda qëlloi me pistoletë të dashurën e tij, Edis Koroveshi.
Mësohet se ngjarja ka qenë aksidentale. Fatbardh Doda ka qenë në gjendje të dehur dhe i është shkrepur aksidentalisht pistoleta dhe si pasojë e reja është plagosur në shpatull.
“Në autostradën Durrës-Tiranë, rreth orës 09:20, në ambientet e një hoteli, në rrethana ende të paqarta, shtetasi F.D, 32 vjeç, banues në Sukth, dyshohet se ka plagosur me armë zjarri pistoletë shtetasen E.K, 23 vjeçe, banuese në Durrës, e cila ndodhet në spital, jashtë rrezikut për jetën. Shërbimet e Policisë pas marrjes së njoftimit menjëherë kanë shkuar në vendngjarje dhe po krehin zonën me qëllim kapjen e autorit. Në bashkëpunim me DVP Tiranë dhe Fier janë ngritur pika kontrolli në rrugët nacionale”, njoftoi policia./Opinion.al
