Një 18-vjeçar ka plagosur me armë zjarri një shtetas pas një konflikti për motive të dobëta në Shijak të Durrësit.
Sipas uniformave blu ngjarja ka ndodhur rreth orës 13:20 në Shijak, ku shtetasi Kledi Çyrbja 18 vjeç plagosi me armë zjarri shtetasin Saimir Bega 30 vjeç.
I plagosuri ndodhet në spital nën kujdesin e mjekëve ndërsa policia vijon kërkimet për autorin e ngjarjes.
“Rreth orës 13:20, në Shijak, dyshohet se gjatë një konflikti për motive të dobëta, shtetasi Kledi Çyrbja, 18 vjeç, ka plagosur me armë zjarri pistoletë shtetasin Saimir Bega, 30 vjeç, i cili ndodhet në spital, në kujdesin e mjekëve, jashtë rrezikut për jetën.
Shërbimet e Policisë, sapo kanë marrë njoftim, kanë shkuar menjëherë në vendngjarje dhe falë veprimeve të shpejta kanë identifikuar autorin dhe janë vënë në ndjekje të tij.
Janë ngritur pika kontrolli dhe vijojnë kontrollet në zonë dhe në ambiente të ndryshme ku dyshohet se mund të jetë fshehur 18-vjeçari”,tha policia.
Grupi hetimor vijon punën për zbardhjen dhe dokumentimin e plotë të rrethanave të ngjarjes.
