Një 21-vjeçar është arrestuar nga polica pasi plagosi me thikë në fytyrë kushëririn.
Ngjarja e rëndë ndodhi mbrëmjen e djeshme, pas një konflikti për motive të dobëta, në një banesë të përbashkët në fshatin Pulaj, Njësia Administrative Velipojë, Shkodër.
“Arrestimi i shtetasit Xh.F., u bë pasi mbrëmjen e datës 10.11.2020, gjatë një konflikti për motive të dobëta në një banesë të përbashkët në fshatin Pulaj, Njësia Administrative Velipojë, Shkodër, ka plagosur me thikë në fytyrë, kushëririn e tij, shtetasin A. P. 25 vjeç, banues në fshatin Tamarë, Malësi e Madhe. Shtetasi A. P., pasi mori mjekim në spital është larguar në banesë”, njofton policia.
Gjithashtu, policia bën me dije se në cilësinë e provës materiale u sekuestruan 3 thika.
Materialet i kaluan Prokurorisë pranë Gjykatës së Shkallës së Parë Shkodër, për veprat penale “Plagosja e rëndë me dashje” dhe “Mbajtja pa leje e armëve të ftohta”./Opinion.al
