Elfat Salihi është autori i dyshuar i plagosjes së 28-vjeçarit Edis Reçi në Shkodër. Pas identifikimit policia po vijon punën për kapjen e tij.
Kujtojmë se në dëshminë e dhënë përpara autoriteteve Reçi ka thënë se nuk ka mundur të identifikojë autorin. Ai ka deklaruar se personi që e qëlloi mbante në kokë një kapuç të zi dhe e ka plagosur nga pas. Ndërsa ka shtuar se nuk ka konflikte apo probleme me asnjë person.
Pavarësisht kësaj dëshmie policia e Shkodrës ka dyshime se Edis Reçi është në dijeni të autorit të plagosjes.
Edis Reçi u qëllua me një plumb në këmbë në lagjen Paresh të Shkodrës. Në spital ai dërgua nga i vëllai i tij dhe ndodhet jashtë rrezikut për jetën.
