Një minator është plagosur mbrëmjen e djeshme në një nga galeritë e zonës D të Bulqizës.
Policia bën me dije se 60-vjeçari është dërguar në spitalin e Traumës në Tiranë.
Mësohet se minatori ka pësuar trompozë gjatë rrugës dhe është dëmtuar në gjymtyrë si pasojë e shembjes së gurëve.
“Rreth orës 19:30, të mbrëmjes së djeshme, është paraqitur për të marrë ndihmë mjekësore, në spitalin e Peshkopisë, shtetasi Sh. C., 60 vjeç, me profesion minator, i punësuar në një subjekt minerar, në Bulqizë. 60-vjeçari është transportuar për ndihmë më të specializuar, në Spitalin e Traumës, Tiranë”, tha policia.
Grupi hetimor, në drejtimin e Prokurorisë, po vijon hetimet e thelluara, për zbardhjen dhe dokumentimin e plotë të rrethanave të këtij rasti.
