Ditën e sotme mediat kanë raportuar për një plagosje me thikë të një 40-vjeçari, në një lokal në ish-Bllok, ngjarje e ndodhur të shtunën më datë 21 janar.
I plagosur ka mbetur Eder Dorzi, 40 vjeç. Policia në një njoftim për mediat, thotë se plagosja në fjalë u raportua vetëm këtë të martë për arsye hetimi, me qëllim identifikimin e autorëve. Autoritetet kanë mundur në fakt t’i identifikojë ata dhe i kanë shpallur në kërkim. Bëhet fjalë për janë Maren Hoxha dhe Heridon Hasa, emra të njohur për policinë si përdorues të lëndëve narkotike.
“Në lidhje me një lajm të publikuar në media, për një shtetas të plagosur me mjet prerës, në një lokal, në rrugën “Vaso Pasha”, ju sqarojmë se ngjarja nuk është fshehur, por për arsye hetimi, me qëllim identifikimin e autorëve, nuk është bërë publike. Në lidhje me këtë ngjarje, në bashkëpunim me Prokurorinë e Tiranës, është punuar intensivisht për identifikimin e autorëve. Në vijim të veprimeve për këtë rast, specialistët për Hetimin e Krimeve të Komisariatit të Policisë Nr. 2 kanë shpallur në kërkim shtetasit M. H., 27 vjeç dhe E. H., 27 vjeç, pasi kanë goditur me mjet prerës (thikë), shtetasin E. D., 40 vjeç, banues në Tiranë, i cili ndodhet në spitalin, nën kujdesin e mjekëve”-njofton policia.
