Policia e Bulqizës ka vënë një 53-vjeçar, pasi plagosi me thikë një shtetas pas një konflikti.
Sipas uniformave blu, dy shtetasit u konfliktuan me njëri-tjetrin mëngjesin e kësaj të marte në Bulqizë, e për pasojë një 37-vjeçar mbeti i plagosur me thikë pas një konflikt për motive të dobëta.
Sipas informacioneve zyrtare, i plagosuri u dërgua në spital dhe është jashtë rrezikut për jetën, ndërsa policia vuri në pranga 53-vjeçarin, si autor të dyshuar të kësaj ngjarjeje.
“Në lagjen e re, në qytetin e Bulqizës, shtetasi M. D., 53 vjeç dyshohet se pas një konflikti për motive të dobëta, ka plagosur me mjet prerës (thikë), shtetasin R. P., 37 vjeç, banues në Bulqizë, i cili ndodhet në spital, jashtë rrezikut për jetën.
Si rezultat i veprimeve të shpejta dhe profesionale nga Policia, u bë e mundur kapja dhe shoqërimi në ambientet e Komisariatit të Policisë, i autorit të dyshuar të ngjarjes, shtetasit M. D, 53 vjeç, banues në Bulqizë.
Në përfundim të veprimeve procedurale, u bë arrestimi në flagrancë i tij, për veprat penale “Plagosja e rëndë me dashje” dhe “Mbajtja pa leje e armëve të ftohta”, thuhet në njoftimin e policisë./Opinion.al
