Kryetari i Bashkisë se Divjakës Fredi Kokoneshi, është plagosur me thikë. Mësohet se ngjarja ka ndodhur pas një debati me Orges Xhelilin. Debati ka degraduar dhe më pas ky i fundit e ka goditur me thikë Kokoneshin.
Menjëherë pas ngjarjes kreu i Bashkisë se Divjakës është dërguar në Spitalin e Lushnjës për ndihmë mjekësore të specializuar.
Nuk është hera e parë që Kokoneshi përfshihet në një konflikt. Pak kohë më parë është dhunuar nga 32-vjeçari Dritan Senekaj, në mes të qytetit.
Policia ende nuk ka reaguar për të dhënë detaje lidhur me ngjarjen.
