Një konflikt për motive të dobëta ka përfunduar me plagosjen e një 37 vjeçari në kryeqytet. Ngjarja ka ndodhur në Astir, ndërsa persona ende të paidentifikuar kanë goditur me një mjet prerës shtetasin F. D., rreth 37 vjeç.
37 vjeçari ndodhet në spital, nën kujdesin e mjekëve, jashtë rrezikut për jetën.
“Me datë 07.06.2021, në Astir, dyshohet se pas një konflikti për motive të dobëta persona ende të paidentifikuar kanë goditur me një mjet prerës shtetasin F. D., rreth 37 vjeç, i cili ndodhet në spital, nën kujdesin e mjekëve, jashtë rrezikut për jetën”, njofton policia.
Grupi hetimor dhe sherbimet e Policisë ndodhen në vendngjarje dhe po punojnë për sqarimin e rrethanave të ngjarjes si dhe identifikimin dhe kapjen e autorëve./Opinion.al
