Një person ka mbetur i plagosur me sende të forta mbrëmjen e sotme në Kurbin.
Mësohet se i plagosuri është Lleji Lika 25 vjeç, i cili është transportuar në Spitalin e Traumës Tiranë për të marrë ndihmë mjekësore.
Bëhet me dije se në lidhje me ngjarjen e ndodhur rreth orës 20:15, në Sanxhak, Policia ka shoqëruar disa persona që mund të kenë dijeni për ngjarjen Ndërkohë, autoritetet po ushtrojnë kontrolle në Kurbin për arrestimin e autorëve.
Aktualisht, grupi hetimor ndodhet në vendngjarje dhe po punon për sqarimin e plotë të shkakut dhe rrethanave të ngjarjes, si dhe identifikimin e personave të përfshirë në konflikt.
