Një 36-vjeçar dyshohet të jetë plagosur me armë zjarri mbrëmjen e sotme në banesën e tij të Vlorë.
I plagosuri, 36-vjeçari Elius Thartori është drejtuar për në spitalin rajonal të Vlorës ku ndodhet jashtë rrezikut për jetën dhe është duke marrë ndihmën mjekësore.
Sipas njoftimit të policisë, 36-vjeçari ka qenë në ballkonin e banesës së tij në lagjen “10 Korriku” në Vlorë, në çastin kur dyshohet se është plagosur me armë zjarri.
Ende vijojnë hetimet nga policia për zbardhjen e ngjarjes nga kapjen e autorit/autorëve.
Njoftimi i policisë
Vlorë/
Informacion paraprak Rreth orës 19:23, në Spitalin Rajonal të Vlorës ka shkuar i plagosur dyshohet me armë zjarri shtetasi E.Th., 36 vjeç, i cili ndodhet jashtë rrezikut për jetën.
36 vjeçari ka qenë në ballkonin e banesës së tij në lagjen “10 Korriku” dhe në rrethana ende të paqarta dyshohet se është plagosur me armë zjarri
Grupi hetimor po vijon hetimet për zbardhjen dhe sqarimin e rrethanave të ngjarjes. Po punohet për identifikimin dhe kapjen e autorit.
