Një 35-vjeçar mbeti i plagosur me armë zjarri këtë të premte në Tiranë, pas një konflikti për motive të dobëta.
Sipas uniformave blu ngjarja ndodhi rreth orës 13:30, te “Varri i Bamit”, ku 35-vjeçari me iniciale G.N, u plagos me armë gjahu nga 30-vjeçari me iniciale D.K.
Policia bën me dije se i plagosuri u dërgua në spital dhe është jashtë rrezikut për jetën, ndërsa policia po punon për kapjen e autorit të dyshuar të ngjarjes.
“Shërbimet e Komisariatit të Policisë Nr. 4, ditën e sotme, pas marrjes së njoftimit se në vendin e quajtur Varri i Bamit, një shtetas ka plagosur me armë gjahu shtetasin G. N., rreth 35 vjeç, menjëherë kanë organizuar punën për identifikimin e autorit të dyshuar.
Si rezultat i veprimeve të shpejta hetimore u bë identifikimi i autorit të ngjarjes, shtetasit D. K., 30 vjeç, i cili gjatë një konflikti për motive të dobëta, ditën e sotme, rreth orës 13:30, ka plagosur me armë gjahu shtetasin G. N.
Shtetasi G. N., ndodhet në spital, jashtë rrezikut për jetën. Vijon puna për kapjen e autorit të dyshuar”, tha policia.
Materialet do ti kalojnë Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale./Opinion.al
