Një shqiptar është plagosur në Kavalla të Greqisë, ditën e sotme, pas përplasjes me policinë.
Mediat greke kanë raportuar se ngjarja ndodhi në kohën kur një patrullë policie i ka bërë me shenjë mjetit me të cilin udhëtonte shqiptari për të ndaluar, por ai nuk i është bindur urdhërit dhe ka vazhduar.
Në tentativë për tu larguar, 22 vjeçari shqiptar ka humbur kontrollin e mjetit dhe ka pësuar aksident.
Gjatë kohës që policët grekë i janë afruar mjetit për të arrestuar shqiptarin, ky i fundit ka sulmuar policin grek dhe ka tentuar t’i marrë pistoletën, në këtë moment oficeri tjetër i policisë pasi ka qëlluar një herë në ajër, herën e dytë ka plagosur shqiptarin.
Në mjetin e drejtuar nga shqiptari janë gjetur 10 pakistanezë të plagosur si pasoje e përplasjes.
Ne spital u dërgua dhe polici dhe shqiptari i cili ka mbetur i plagosur në dorë.
