Dy punonjës policie kanë mbetur të plagosur me thikë në lagjen “5 maji” të Elbasanit. Autori dyshohet se kishte vjedhur një dyqan dhe kur ka ndërhyrë policia për ta arrestuar, ai ka nxjerrë thikën duke lenë të plagosur dy policë.
“Pronari i biznesnit Ardian Kuka ka njoftuar policinë pas ngjarjes dhe blutë kanë mbërritur në banesën e autorit të dyshuar, ku edhe kanë gjetur shumën e parave të grabitura. Në këtë moment, autori godet me thikë dy efektivë duke i lënë të plagosur. Ai është prangosur menjëherë nga policia, ndërsa vijon puna për zbardhjen e rrethanave të kësaj ngjarje”, deklaron policia e Elbasanit.
Autori i plagosjes së policëve është Nerfan Halimllari nga komuniteti rom, tha policia.
