Babë e bir F. D., 31 vjeç, dhe V. D., 60 vjeç, janë plagosur me thikë nga hajdutët që shkuan t’i grabisnin në në fshatin Mavrovë të Bashkisë Selenicë, Vlorë.
Nga njoftimi zyrtar mësohet se të plagosurit janë paraqitur në Spitalin Rajonal Vlorë rreth orës 04:55 të mëngjesit të sotme dhe aktualisht janë jashtë rrezikut për jetë.
Bëhet me dije se të plagosurit janë konfliktuar me tre persona të cilët dyshohet se kanë qenë për të grabitur pranë stanit të tyre.
Ndërkohë që përveç plagosjes djali dhe babai F. D., 31 vjeç, dhe V. D., 60 vjeç, kanë hyrë në telashe me policinë sepse në banesën e tyre janë gjendur dhe sekuestruar 2 armë zjarri dhe lënë narkotike gjithashtu.
Njoftim i plotë:
Më datë 09.10.2021, rreth orës 04:55, në spitalin e Vlorës, kanë shkuar të dëmtuar, dyshohet me mjete prerëse, shtetasit F. D., 31 vjeç, dhe V. D., 60 vjeç, (babë e bir), të dy banues në fshatin Mavrovë, Selenicë, të cilët ndodhet nën kujdesin e mjekëve, jashtë rrezikut për jetën.
Nga veprimet e para hetimore, rezulton se janë konfliktuar me tre persona ende të paidentifikuar, të cilët dyshohet se kishin shkuar për të vjedhur, dhe në afërsi të stanit janë diktuar nga babai dhe djali, të cilët kanë hasur në rezistencën e tyre, ku si pasojë dhe janë dëmtuar.
Nga shërbimet policore gjatë kontrollit dhe krehjes së zonës, janë konstuar të kultivuara 180 bimë narkotike, të cilat janë asgjesuar me anë të djegies. Dyshohet se bimët narkotike janë kultivuar nga shtetasit F. D dhe V. D, të cilëve gjatë kontrollit të banesës ju janë gjetur dhe sekuestruar 2 armë zjarri (automatik dhe pushkë).
Grupi hetimor nën drejtimin e Prokurorisë vijon punën për sqarimin e rrethanave të ngjarjes, sigurimin e çdo prove që do ti shërbejnë zbardhjes së ngjarjes.
Vijon krehja e zonës me qëllim kapjen e autorëve.
