Tre shtetas janë shoqëruar nga policia, pasi plagosën me mjet prerës gjatë një konflikti një 29-vjeçar në Pogradec.
Uniformat blu bëjnë me dije se ngjarja ka ndodhur rreth orës 14:30, në lagjen nr. 1, Pogradec, tek ish-tregu, gjatë një konflikti për motive të dobëta shtetasit.
Mësohet se 29-vjeçari u dërgua për mjekim në spitalin e Pogradecit.
“Më datë 10.10.2023, rreth orës 14:30, në lagjen nr. 1, Pogradec, tek ish-tregu, gjatë një konflikti për motive të dobëta shtetasit E. B., 28 vjeç, A. B., 20 vjeç dhe E. B., 25 vjeç (vëllezër), dyshohet se kanë dëmtuar me mjet prerës në trup shtetasin G. D., rreth 29 vjeç, banues në Pogradec, i cili u dërgua për mjekim në spitalin e Pogradecit.
Në ambientin e Komisariatit ndodhen të shoqëruar autorët e dyshuar të ngjarjes, për veprime të mëtejshme procedurale”, tha policia.
Grupi hetimor po punon për sqarimin e rrethanave të ngjarjes./Opinion.al
