Një 20-vjeçar ka mbetur i plagosur në Halkidiki ditën e djeshme, ndërsa autorë të krimit dyshohet se janë disa shqiptarë.
Sipas burimeve policore, bëhet me dije se shtatë persona, disa në një motor dhe të tjerë në një makinë, shkuan në kafenenë në Pefkochori dhe sulmuan 20-vjeçarin.
Edhe pse i riu tentoi që t’i shpëtonte agresorëve ata e goditën me grushta, ndërkohë që njëri prej tyre e qëlloi me pistoletë, duke i shkaktuar një plagë në kofshën e djathtë.
Menjëherë pas ngjarjes autorët e krimit u larguan nga kafeneja, ndërsa 20-vjecari u transportua në spital. Nga hetimi i kryer nga Policia, dy nga tre autorët e plagosjes dhe rrahjes së 20-vjeçarit u identifikuan pak më vonë. Ata janë dy shqiptarë përkatësisht 21 dhe 29 vjeç, të cilët thuhet se i përkasin një grupi bande në Selanik.
21-vjeçari, sipas policisë është person me precedent penalë, pasi në tetorin e kaluar është liruar nga burgu, ndërsa po gjykohet në shkallën e 2-të për tentativë vrasje, mbajtje pa leje dhe përdorim të një arme.
Nga ana tjetër mendohet nga policia se motivi i sulmit të së dielës ndoshta janë mosmarrëveshjet financiare në lidhje me “mbrojtjen”, të cilat kërkohen nga anëtarët e grupit të zhvatësve në zonën e Halkidiki. Policia Greke po kryen hetime për të gjetur dhe arrestuar autorët./Opinion.al
