Një person është arrestuar nga policia e Tiranës, pasi akuzohet se ka plagosur një 28-vjeçar.
Mësohet se ngjarja ka ndodhur në “Fushë-Mëzez”, ndërsa në pranga ka rënë 33-vjeçari i identifikuar me inicialet F. K., me banim në Tiranë.
33-vjeçari pas një konflikti për motive të dobëta, ka plagosur të riun me sende të forta. I plagosuri ndodhet aktualisht në spitalin e traumës dhe po merr mjekimin e nevojshëm mjekësor.
Po ashtu, përveç autorit të plagosjes, policia ka arrestuar dhe dy persona të tjerë, pasi në momentin e arrestimit të 33-vjeçarit kanë kundërshtuar forcat e policisë.
Mbi F. K. rëndon akuza“Plagosje e rëndë me dashje”, ndërsa dy personat e tjerë të arrestuar akuzohen për “Kundërshtimi i punonjësit të policisë” dhe “Goditja për shkak të detyrës”.
Njoftimi i policisë
Plagos një shtetas për motive të dobëta me mjete të forta, vihet në pranga nga shërbimet e Komisariatit të Policisë Nr.6.
Në pranga dhe dy shtetas të tjerë, të cilët kanë ndërhyrë duke kundërshtuar dhe goditur punonjësit e policisë që mos të arrestonin dhe shoqëronin në Komisariat autorin e plagosjes.
Nga specialistët për parandalimin dhe hetimin e krimit në Komisariatin e Policisë Nr.6 u bë arrestimi në flagrancë për veprën penale “Plagosje e rëndë me dashje”, i shtetasit:
– F. K., 33 vjeç, banues në Tiranë.
Në vendin e quajtur “Fushë-Mëzez” ky shtetas për motive të dobëta ka goditur me grushte dhe mjete të forta shtetasin A. D., 28 vjeç, i cili ndodhet në spitalin e traumës nën kujdesin e mjekëve.
Gjithashtu u arrestuan në flagrancë për veprat penale “Kundërshtimi i punonjësit të policisë” dhe “Goditja për shkak të detyrës”, shtetasit:
– F. D., 39 vjeç;
– H. H., 35 vjeç (të dy banues në Tiranë).
Këta dy shtetas në momentin e arrestimit të shtetasit F. K., kanë ndërhyrë duke kundërshtuar dhe goditur për shkak të detyrës, punonjësit e “Forcës së Posaçme Shigjeta” të cilët do bënin shoqërimin e shtetasit F. K., për në Komisariat.
Materialet procedurale iu referuan për veprime të mëtejshme Prokurorisë pranë Gjykatës së Shkallës së Parë Tiranë./ Opinion.al E.Xh.
