I hapet rruga ekstradimit të Bujar Sejdinajt drejt Italisë
Siç ka raportuar “News 24”, Gjykata e Tiranës ka vendosur ditën e sotme që Sejdinaj, i njohur me nofkën “xhaxhai” të ekstradohet drejt Italisë.
Bujar Sejdinaj dyshohet se ka punuar për llogari të mafias italiane, “Ndragheta”. Ai dyshohet se është anëtar i familjes mafioze “Bellocco” dhe gjithashtu dyshohet se është i përfshirë në trafikun e drogës.
Ai ka ngritur pretendime se në shtetin italian ka punuar si marangoz dhe se nuk ka pasur kurrë lidhje me trafikun e drogës.
Sejdinaj është arrestuar më 24 korrik në Tiranë, ku një të njëjtën kohë u bënë arrestime edhe në Itali, Argjentinë dhe Kosta Rika duke dërguar në burg edhe anëtarë të tjerë të “Ndraghetës”.
Sejdinaj ka 10 ditë kohë për të apeluar këtë vendim. /Opinion.al
