Sopranoja shqiptare me famë ndërkombëtare, Ermonela Jaho, ishte pjesë e një eventi special në nder të mjeshtrit Toni Papanno, ku i pranishëm ishte edhe Mbreti Charles.
Jaho ka ndarë disa fotografi krah mbretit në Facebook, ndërsa shkruan se ishte e pranishme në Royal Opera House në respekt të Maestros Toni Papanno.
“Një mbrëmje shumë e veçantë në Teatrin Mbretëror të Operas për të përcjellë nderimet e mia bashkë me kolegët dhe madhërinë e Tij, Mbretin Charles, për mjeshtrin tonë të dashur, Toni Papanno. Të gjithë e ndiejnë kur janë të dashur”.
https://www.instagram.com/p/C7E_uJcOcSJ/?utm_source=ig_web_button_share_sheet
Ndërsa në një video të shkëputur nga momenti kur trupa dhe Charles III janë përulur para publikur, Ermonela shkruan:
“Ishte një kënaqësi e vërtetë të takoja Mbretin Charles në galanë e mbrëmshme. Ai është një mbështetës i madh i artit dhe shumë i këndshëm për të biseduar”.
Ermonela Jaho performoi së bashku me kolegët e tjerë, Insung Sim, tenori Freddie De T.ommaso, Aigul Akhmetshina, Jonas Kaufmann dhe Bryn Terfel.
Ngjarja artistike është organizuar në nder të Toni Pappano-s i cili ka dhënë dorëheqjen pas 22 vitesh si dirigjent. Ai ka realizuar mbi 700 shfaqje dhe konsiderohet si “gjëja më e mirë që i ka ndodhur institucionit”.
