Dy avokatë të njohur grekë kanë rënë në pranga të policisë, pasi nga përgjimet është zbuluar se bashkëpunonin me mafien shqiptare që kontrollonte burgun e Koridallos. Ata janë Giorgos Antonopoulos dhe kolegu i tij Chrysoula Kioumourtzi.
Nga përgjimet e anti-terrorit ata kanë folur në telefon me trurin e kësaj organizate mafioze, brenda burgut Klodjan Lekotsai. Sipas mediave greke ky i fundit ka urdhëruar dhe vrasjen e avokatit grek Michalis Zafeiropoulos, tetorin e 2017.
Telefonata nga burgu: -Mund të gjejmë para për të dërguar trupin në Shqipëri?
Avokati: Të shoh.
Telefonata nga burgu: -Edhe unë do shoh. Po flas dhe me avokatin tjetër që të na ndihmojë, sepse duhen 2600 Euro që të dërgohet kufoma në Shqipëri, dhe duhen 1 mijë Euro të tjera që duhet t’i japim ..X.. Të merremi tani pak me ..X..
Avokati: Të shikojmë, nuk të premtoj asgjë për këtë.
Sipas Ministrisë greke të Drejtësisë, vrasja e Arbër Bakos, vdekja e një të burgosuri shqiptar dhe arratisja nga burgu e Lorenc Pepaj dhe Elvis Pepaj, ditën e parë të këtij viti, janë të lidhura ndërmjet tyre. Dosja penale përfshin 5 shtetas grekë dhe 8 shqiptarë, mes të cilëve janë edhe ata që akuzohen për vrasjen e avokatit të njohur Mihalis Zafeiropoulos, në Tetor 2017.
Për atë u vunë nën akuzë Arbër Bako, Olti Dulçe, Klodian Lekocja, Mikel Brahimaj dhe Aleksandër Mata. Ky i fundit ndodhet në arrati dhe u shfaq në një grabitje argjendarie në Athinë, në fillim të këtij muaji. Hetimet e kryera nga shërbimi anti-terror, u intensifikuan pas vrasjes së Arbër Bakos, më 14 Janar 2019./Opinion.al
