Një ditë pas tentativës së arratisjes së Arbër Çekajt dhe Fatmir Pjetrit nga burgu 313 në Tiranë është zbuluar dhe emri i të burgosurit tjetër, i cili ishte pjesë e planit të arrstisjes.
Sipas news 24 personi i dënuari që preu damarët e dorës për të shpërqendruar gardianët është Lulzim Çepele. Ky i fundit rezulton të jetë dënuar “Shfrytëzimi i prostitucionit”.
Çekaj dhe Pjetri improvizuan një litar disa metra të gjatë me të cilin zbritën nga zona e sigurisë së lartë.
Ngjarja ndodhi pasditen e së dielës. Gjatë momentit kur Çekaj dhe Pjetri do të largoheshin, një i paraburgosur ka tentuar të presë damarët e dorës, duke tërhequr kështu vëmendjen e forcave të sigurisë të cilat po merrnin masa për ta shoqëruar në spital për të marrë shërbim shëndetësor.
Ata shfrytëzuan këtë moment për tu hedhur nga zona e ajrimit mirëpo u kapën nga gardianët e tjerë. Gjatë tentativës për tu arratisur Çekaj dhe Pjetri kanë goditur dhe një prej policëve të burgut 313, i cili është dërguar për marrjen e ndihmës shëndetësore.
Aktualisht dy të burgosurit ndodhen në izolim./Opinion.al
