Një 19-vjeçare shqiptare është dënuar me 4 vite burg e akuzuar për terrorizëm ndërkombëtar në Itali, duke bërë propagandë me anëtarët e organizatës islame.
Sipas mediave italiane, 19-vjeçarja Bleona Tafallari me origjinë nga Kosova, ishte pjesë e organizatës terroriste “Luanët e Ballkanit”, ndërsa vetë njihej me nofkën “Luanesha e ISIS”.
“Luanesha e Ballkanit” dhe bashkëshorti i cili ndodhej në Gjermani, kanë pasur “kontakte” me subjekte të lidhura me autorin e një sulmi terrorist, ai që ndodhi në Vjenë më 2 nëntor 2020 nga i riu Fejzulai Kujti, ku vdqiën 4 persona dhe u plagosën 23 të tjerë.
Ajo është arrestuar më 17 nëntor të vitit të kaluar në Itali për terrorizëm ndërkombëtar pas një hetimi të koordinuar nga prokurori Leonardo Lesti, shkruan gazeta italiane, Il Giorno.
Në shkallën e dytë gjyqtarët e shpallën fajtore për akuzën e shoqërimit me qëllim të terrorizmit ndërkombëtar.
Gjykata e vlerëson të sigurt pjesëmarrjen e Tafallarit në shoqatën terroriste të “Luanëve të Ballkanit”, e cila nga ana e saj është pjesë e shoqatës terroriste “Shteti Islamik” ose ISIS.
Krahas propagandës me imazhe dhe biseda online, e reja, sipas gjyqtarëve, dyshohet të ketë pasur edhe rolin e ndërmjetëses mes bashkëshortit të saj Veliqi Përparim dhe anëtarëve të tjerë të “Luanëve të Ballkanit” dhe kontaktet me përkatësinë e mëtejshme të organizatës.
Në fund të nëntorit të kaluar, Tafallari, e mbrojtur nga avokatët Giuseppe De Carlo dhe Giuseppina Bartolotta, u lirua nga burgu dhe iu përcaktua masa “arrest shtëpie”.
Sipas urdhrit të gjykatësit hetues Carlo Ottone De Marchi, 19-vjeçarja kishte përqafuar radikalizmin xhihadist dhe ishte akomoduar edhe në mesin e të miturve, pa fshehur ambicie për të shkuar dhe për të luftuar në zonat e luftës kundër “armikut perëndimor”./Opinion.al
