Një 26-vjeçar nga Tirana është vënë në pranga këtë të mërkurë, pasi dyshohet se është pjesë e një grupi kriminal droge që vepron në Itali. Bëhet fjalë për shtetasin A. A., 26 vjeç. Ai është ndaluar në një lokal në rrugën “Medar Shtylla”.
26-vjeçari ishte shpallur në kërkim ndërkombëtar, pasi Gjykata e Torinos, Itali, me vendimin e datës 14.05.2021 i ka caktuar masën e sigurisë “Arrest në burg”, për veprën penale “Pjesëmarrja ne grup kriminal me qëllim trafikimin e narkotikëve”, parashikuar nga Kodi Penal i Italisë.
Interpol Tirana, në bashkëpunim me Interpol Romën, vijon procedurat për ekstradimin e këtij shtetasi drejt Italisë./Opinion.al
