Vëllezërit Valon dhe Visar Avdyli nga Kosova janë shpallur në kërkim ndërkombëtar nga shteti norvegjez pasi akuzohen për vrasjen e Hamse Hashi Adanit në Mortensrud.
20-vjeçari Hamse Hashi Adan u qëllua jashtë shkollës Lofsrud në Mortensrud më 7 tetor. Të nesërmen ai vdiq nga plagët e marra.
Një burrë rreth të 40-tave është arrestuar dhe është akuzuar për bashkëpunim në vrasje.
Tashmë policia po del me emrat e dy të akuzuarve që janë në kërkim. Ata janë vëllezërit Valon dhe Visar Avdyli nga Bærum. Të dy kanë qenë të dënuar më parë për veprimtari terroriste.
Policia nuk mund të thotë asgjë për shkakun apo marrëdhënien mes Adanit dhe të akuzuarve. Por duhet të ketë një marrëdhënie mes tre të akuzuarve.
“Ne besojmë se ka arsye për t’i konsideruar ata si të dyshuar për vrasje ose bashkëpunëtor në vrasje”, thotë avokati i policisë Børge Enoksen.
Mësohet se vëllezërit janë larguar nga Norvegjia më 9 tetor dhe kanë udhëtuar për në Kosovë.
“Ne kemi një ide se ku janë ata dhe shpresojmë se do t’i ekstradojmë në Norvegji nëse paraqiten në polici”, thotë Enoksen.
Dy vëllezërit nga Bærum u dënuan të dy për aktivitete terroriste në vitin 2016. Valoni (35 vjeç) u dënua për pjesëmarrje në organizatë terroriste dhe u dënua me katër vjet e gjashtë muaj burg. Sipas aktgjykimit, ai ka qenë luftëtar i ISIS. Visari (32 vjeç) u dënua me tetë muaj burg për dërgimin e parave për një organizatë terroriste./Opinion.al
