Edhe për bashkinë Lezhë ka përfunduar numërimi. Kandidati socialist Pjerin Ndreu ka fituar 12 906 vota, duke lënë pas “kaubojsin” Eduart Ndocaj me 784 dhe Salvador Kaçajn me 433 (ky i fundit ishte larguar nga gara). Të pavlefshme ishin 1 269 vota, ndërsa 21 vota ishin gabim.
Pjerin Ndreu hoqi dorë nga mandati i deputetit duke marrë kështu drejtimin e Bashkisë së Lezhës. Emri i tij ka qenë shumë i lakuar në media muajt e fundit, pasi doli në përgjimet e gazetës gjermane Bild.
Nga përgjimi del se ish- deputeti socialist Pjerin Ndreu diskuton me drejtorin e arsimit të Dibrës që t’i bëjë presion mësuesve për të votuar për socialistët ose përndryshe do të pushohen nga puna.
Ndreu i thotë Reçit (bashkëbiseduesit) të flasë me një drejtor shkolle, ta kërcënojë me pushim nga puna në rast se nuk deklaron hapur votën për Partinë Socialiste./ Opinion.al
