Brendi ikonik do të bashkëpunojë me grupin e françaizit, GFFA për të sjellë Pizza Hut në rajon
Marka më ikonike dhe e dashur në botë, Pizza Hut, vjen zyrtarisht në tregun shqiptar, në bashkëpunim me grupin e franchais Global Fast Food Albania. Restoranti i parë është hapur tashmë në Tiranë, në TEG.
Për të gjithë ata që janë të apasionuar pas pizza-ve, Pizza Hut në Tiranë do të sjellë shije e formula të reja, pizza të bëra me teknika krejt të veçanta, si dhe ushqime të tjera shoqëruese, ëmbëlsira e pije speciale. Në mënynë e Pizza Hut do të përfshihen Margherita, Pepperoni, Veggie Supreme, Supreme, Farmhouse dhe Chicken Supreme, të cilat mund të konsumohen me miqtë e familjen.
“Kemi ambicie të mëdha për t’u zgjeruar me Pizza Hut në Evropë dhe jemi të lumtur që po bashkëpunojmë me GFFA për të sjellë Pizza Hut në Shqipëri. Presim me padurim një bashkëpunim të gjatë dhe t’u krijojmë më shumë mundësi njerëzve të shijojnë Pizza Hut,” tha Sam Dalgleish, Drejtori i Franchise Deals & Investments, Pizza Hut Europe.
“Ajo që e bën tërheqëse Pizza Hut për klientët shqiptarë është formula e saj e veçantë, ndryshe nga sa ata janë mësuar të konsumojnë. Brumi i Pizza Hut është më i plote, duke mundësuar që pizza të përmbajë më shumë përbërës dhe për rrjedhojë, edhe më shumë shije. Duke pasur parasysh që ne shqiptarët jemi adhurues të pizza-ve (dhe ushqimit), Pizza Hut do të bëhet shumë shpejt trendi ynë i radhës, sepse është një shije dhe përvojë krejt e re,” u shpreh Agron Disha, Drejtori i Përgjithshëm i GFFA.
Rreth Pizza Hut
Pizza Hut u krijua 55 vite më parë, në 1958-ën, nga dy vëllezër, Dan dhe Frank, në Uiçita, Kansas. Që prej ditës së parë, vëllezërit Carney mund t’i shihnin klientët e tyre në sy dhe t’u premtonin pizza-n më të mirë në qytet, sepse i njihnin fermerët që siguronin përbërësit dhe e dinin se këta fermerë i kushtonin rëndësi cilësisë. Një premtim që e mbajtën edhe kur hapën restorantet e tjera në të gjithë Amerikën dhe më pas, edhe jashtë vendit, duke arritur në 18,000 restorante në më shumë se 100 vende.
