Piter Olaynka një nga lojtarët më të mirë të Skënderbeut në dy vitet e fundit, mund ta lerë shumë shpejt ekipin korçar për një kampionat më cilësor në Evropë, siç është Belgjika. Sipas faqes belge www.voetbalkrant.com lojtari me ngjyrë i cili ka edhe pasaportë shqiptare mund ti bashkohet ekipit të Gentit në Belgjikë.
Sipas kësaj faqe Olaynka 20 vjeç ka kryer testin mjekësor dhe ka parë nga afër ndeshjen Gent-Zulte Varengen, e vlefshme për Superligën e Belgjikës.
Sulmuesi i Skënderbeut, i cili ka shënuar gola në aktivitetet kombëtare dhe ndërkombëtare, duket se do të jetë i pari, që pritet të largohet në janar nga kampionët e Shqipërisë.
Sipas www.transfermarkt.com kartoni i nigerianit vlen 725 mijë euro, por drejtuesit e Skënderbeut mund të kërkojnë më shumë.
Piter Olainka dhe shumë talente të tjera të Skënderbeut pritet të largohen gjatë merkatos së janarit duke sjellë fitime për Skënderbeun. (Sportal.al)
