Një 28-vjeçar në Durrës ka rënë në prangat e policisë për armëmbajtje pa leje. Njoftohet se gjatë kontrollit në banesën e Silvestër Grillo është gjetur dhe sekuestruar një armë zjarri tip pistoletë si dhe një sasi municioni.
“Shërbimet e Komisariatit të Policisë Durrës në vijim të punës për kapjen e personave në kërkim, atyre që transportojnë dhe shpërndajnë lëndë narkotike apo qarkullojnë e mbajnë armë zjarri pa leje, falë dhe informacioneve të marra nga qytetarët për një shtetas që mbante armë zjarri, kanë ushtruar kontroll të befasishëm në banesën e shtetasit Silvestër Grillo në lagjen nr 2. Si rezultat i kontrollit shërbimet e Policisë gjetën dhe sekuestruan në cilësinë e provës materiale një armë zjarri pistoletë dhe një sasi munucioni luftarak. Në përfundim të veprimeve të para hetimore u bë arrestimi në flagrancë i shtetasit Silvestër Grillo, 28 vjeç, banues në lagjen nr.2, Durrës”, njoftoi policia. Materialet i kaluan Prokurorisë së Rrethit Gjyqësor Durrës për veprime të mëtejshme për veprën penale “Mbajtje pa leje dhe prodhim i armëve, amëve shpërthyese dhe municionit”./Opinion.al
