Bota

Pistat e eleminimit/ A u shua me acid gazetari ne Konsullatë?


Bëhu pjesë e Grupit Zyrtar të Opinion.al
>> KËTU <<
               Publikuar në : 10:41 - 17/10/18 |
el ida

Sekretari amerikan i  Shtetit fluturoi në Riad. Turqit pohojnë se kanë gjetur prova për vrasjen, por për SHBA dhe Riad, rrugëdalja do të ishte të fajësoheshin “agjentët jashtë kontrollit”.

 Diplomacia dhe hetimet

Sekretari Amerikan i Shtetit Mike Pompeo ka arritur në Riad për të gjetur një rrugëdalje me sauditët, ideja është që të fajësohen “agjentët jashtë kontrollit”. Ndërkohë, turqit  insistojnë që ata kanë gjetur prova për vrasjen e gazetarit brenda konsullatës saudite në Stamboll.

Bisedimet

Kreu i Departamentit të Shtetit u takua me Mbretin Salman ,sipas CNN për vetëm 15 minuta , kështu që ai pati një bisedë më të gjatë me figurën kryesore, Princin Muhamed. Në fund, Pompeo i falënderoi bashkëbiseduesit për angazhimin e tyre për një hetim “transparent” dhe në kohë. Diplomatët amerikanë kanë raportuar për diskutime të sinqerta dhe të drejtpërdrejta, fjalë që konfirmojnë dëshirën për të mbyllur çështjen në një mënyrë të tillë që të mbrohet aleanca historike mes vendeve. Dje, qarkullonte hipoteza se mbreti do ti njohë përgjegjësitë e anëtarëve të shërbimeve që kanë vepruar në mënyrë të pavarur. Një zgjidhje pragmatike dhe cinike.

Nesër i dërguari i SHBA do të jetë në kryeqytetin turk për një konsultim të rëndësishëm. Në këtë çështje ndërhyri dhe Donald Trumpi, i cili zhvilloi një bisedë telefonike me princin Muhamed. Princi mohoi të kishte informacion lidhur me atë që kishte ndodhur me gazetarin, por premtoi një hetim të thellë të çështjes.

“Unë mendoj se ne duhet së pari të zbulojmë se çfarë ka ndodhur,” tha Trump në një intervistë me AP, “edhe një herë jemi fajtorë para demonstrimeve të pafajësisë”.

Ne kemi pasur një situatë të ngjashme me gjyqtarin Kavanaugh dhe ai gjithmonë ka qenë i pafajshëm për mua “.

Ministrat e jashtëm të G7 në një deklaratë të përbashkët thanë se ishin të shqetësuar nga çështja, “ata që janë përgjegjës për zhdukjen e tij do të duhet të japin një llogari për të”.

 

Urdhri

Një nga pyetjet kyçe është nëse komando thjesht donte të rrëmbente gazetarin disident dhe diçka shkoi keq. Sipas burimeve të CNN, sauditët po përgatisin një raport që konfirmon këtë skenar dhe që mund të shkarkojë përgjegjësinë në një qelizë të “shërbimeve të devijuara”, duke premtuar se përgjegjësit do të dënohen.

New York Times, duke përmendur burime anonime, shtoi një detaj kyç: urdhri për të marrë në pyetje Khashoggi me vendosmëri erdhi nga një zyrtar shumë i afërt me princin Mohammed i cili gjithashtu kishte autorizuar rrëmbimin e tij, por 007 ka vrarë gazetarin duke shkuar përtej urdhërave të marra. Sipas të njëjtës gazetë, janë të paktën pesë persona të dyshuar nga autoritetet turke të përfshirë në zhdukjen e disidentit saudit, 4 prej tyre të lidhur me princin e kurorës Muhamed bin Salman. Një nga personat e identifikuar do të ishte një njeri i afërt, i parë shpesh me princin. Ai ka qenë me të në Paris dhe Madrid, dhe është  fotografuar me Muhamedin gjatë vizitave të tij të fundit në SHBA. 3 të dyshuarit e tjerë  janë të lidhur me grupin që merret me sigurinë e princit.

Shtatë minuta rrahje

Hetuesit pasi kaluan 9 orë në konsullatën e Stambollit, do të kishin gjetur gjurmë interesante, elemente që mund të konfirmonin eliminimin e gazetarit. Hetuesit kanë marrë mostrat e tokës nga kopshti, ndoshta sepse dyshojnë se trupi i viktimës mund të jetë jetë varrosur brenda konsullatës.

Në mesin e shumë diskutimeve hetuesit do të dilnin në këtë përfundim: agjentët e kanë sulmuar atë sapo ai hyri në ndërtesë, dhe e kanë shtyrë në dhomën e konsullit, ku gazetari pësoi një rrahje të rëndë. Pas vetëm shtatë minutash ai ka vdekur. Skena e krimit është zyra e konsullit, e cila sipas televizionit Al Jazeera ishte I pranishëm atë ditë në konsullatë.

Menjëherë  vrasësit e supozuar kanë vendosur të hedhin trupin edhe pse nuk është e qartë se si. Në ditët e fundit është hipotizuar gjithashtu se gazetari është tretur në acid.

Presidenti Erdogan deklaroi  që policia ka ndërmend të vazhdojë  kontrollet për “materiale toksike” (term i përdorur për të fshehur vrasjen?).

Kërkesat

Në parim, turqit mbështesin negociatat për zgjidhjen e dakorduar, por ato ushtrojnë presion mbi sauditët. Ministri i Punëve të Jashtme ka ngritur tonin e tij duke thënë se shpjegime të qarta, të pastra nuk kanë ardhur nga Riadi deri më sot. Më pas shtoi se marrja në pyetje e sauditëve të përfshirë duhet të bëhet në gjykatë. Si të thuash: nuk ka zbritje, të paktën në një nivel formal.

Interesante është se në këtë pikë, pozicioni i Komisioneres të Lartë të OKB për të Drejtat e Njeriut, Michelle Bachelet, sipas gjykimit të tij,  duhet ti hiqet imuniteti nga zyrtarët në qendër të hetimit./Opinion.al

BURIMI: Corriere Della Sera

 

Pas